楊老師 菲律賓遊學英語達人 公民教育 德育課程 教案分享園地 資料共享平台

公民好教材~~~以下是我個人的親身經歷~~

【騙案曾出不窮】各位，將來要買大陸機票時千萬記住要小心，以下係我之前3月份去雲南旅行出發前的經歷，對我來說是一場震撼教育，依家睇返好似好傻仔，點解會信架?電視都成日賣廣告，但詐騙真的是當局者迷。

(內文頗長， 唔好意思， 我不識修飾， 只把全件事直述出來!!有興趣睇同唔想被騙的才看啦, 也可只看最後的部分~xdxd)

(如果唔想睇晒成篇長文，可以選擇只閱讀以下兩大重點 ^&^ )

事後總結兩個重點： 1.日後總之收到話係航班取消短訊, 首先要去官網查証, 千祈唔好直接回撥短訊內之電話~~ 2.總之涉及任何要俾錢的活動, 就千祈唔好...其實同警訊的內容一樣..哈哈....只不過因本人太焦急, 所以差d出事

真人show開始：

話說我果陣買左中國 "首x航空"的5張機票(我是分開左2次在官網購買此5張機票)，航班是早上6點係廣州白雲機場起飛，就係出發前的晚上(我係澳門人，所以起飛前果晚已在廣州親戚家暫住)，當坐緊車去廣州期間，已收到一條短訊，有齊我個全名及航班完整資料的短訊話班機要取消，當時我已經晴天霹靂，大佬，我已經訂好晒酒店，但改期，仲唔知改到幾時，果陣我無wifi所以上唔到網求証，個心已經好急，跟住佢短訊話叫我盡快打去客服度改期，仲話會賠錢(事後檢討:平時大陸d航空公司係唔會咁好死了，佢地好少會賠錢>我認為)， 根住係無上網求証下， 我就直接回撥短訊內的電話， 惡夢開始了， d騙徒真的勁專業，有齊晒我要核對的資料， 我果陣好荒-因為唔想家人失望同怕要遲一日飛，點知打去客服度佢話可以改到中午12點起飛， 果陣我梗係鬆左一口氣啦，根住仲話可以改坐南航，東航都得， 只要有空位就可以(馬後炮:我當時都覺得奇怪，唔同航空公司都可以俾我坐到，咁筍?!)

重點黎啦(呢度搞左我前前後後2個幾鐘， 點解呢)假客服話會直刻幫我hold住個5個機位， 但必須要先上網(或去atm)度搞個退款手續先，退左款就再俾多次錢就ok….根住我話咁上網我e+搞拉， 佢用左一堆國內的網絡術語，最後我係網上係搞唔店，因為自己真係未試過， 所以只能信佢(果度)，係網上搞左好耐都退唔到款， 根住佢就問我， 咁你附近有冇atm呀，你可以用atm退款， 然後都可以， 你快d啦，我驚d機位hold唔住~~ (嘩，果刻我心諗，雖然早上6點班機取消左，依家佢肯中午俾我飛我果陣梗係爽啦，)但依家一直做唔到最後果部手續， 就係先退款，再存款~ ，佢係電話度一直等我/教我點操作個atm， 我心諗d客服真係一流， 我期間換左超過8張提款卡(最後叫埋我我大陸個表姐拿她的卡來試)， 果個假客服一直就話我d提款卡未經過認証乜乜物物，講一埋我聽唔明的 專業術語，(國語來的， 所以更加難理解)，總之大意就係你d卡未開通乜q網路服務， 所以做唔到退款，我心諗， 死啦，依家晚上9點幾啦， 仲未搞店，明天點算….我唔想我的行程泡湯…..根住氣玉黎啦，已經換左8張卡， 我都好煩…根住佢突然話…其實仲有一個方法!!!!!就係你先額外存3000人仔現金入去你張卡，然後再點點點……(因事隔太耐， 我已唔記得佢點叫我啦…..總之就係要存錢去咁個地方，咁就可以開通某個功能，xxyyzz)

 

咁你就可以退款後再直接換返到d機票啦，果刻我直刻叫我表姐去攞3000蚊存入去啦(因為又要去提款等等， 所以我同客服講先收線， 之後再回撥客服..)，快翠搞店回家睡覺~係此刻，好在我表姐老豆剛到atm， 然後就問， 你做乜要先俾錢佢，一講到錢，就似詐騙…. 你搞左咁耐，其實查清楚個航班係咪真係取消左架 【可能呢d就叫旁觀者清，因為佢剛到，而且比較冷靜】我當時恍然大悟， 係wo，我果陣掛住打客服，依家已有wifi可以上網先去航空公司官網wo…但此時， 我表姐已靈機一解， 直接”百度”個客服電話和上網查詐騙專線， ， 點知佢一百度個假客服電話， 已超多人有中招的經驗…我果一陣….成個人真係震晒， 開心既係預防左一次可惡的機票詐騙事件， 但我果刻回想， 係wo…點解唔先去

官網睇睇先呢…同埋原來只有一個客服專服， 只要細心留意， 就知道唔應該回撥簡訊內的電話 =.=

當我地一查完係假客服， 再打去官方電話度問， 明天的航班如上6點起飛， 我地要4點幾就起身出發去白雲機場， 當時已經係11點幾， 我果刻內心真係百感交雜， 詐騙的人真的很壞， 但今次的教訓係， 以為自己已經好冷靜， 但當太緊張時， 判斷係出錯， 回想當初最錯就是直接回撥短訊內的客服， 如果係平時， 我應該會先上網官網查服務電話的， 但當時咁岩又無網路， 所以一切都真係好巧合！最好彩係無損失錢， 但精神則耗損了很多， 仲有時間，果晚幾乎無得訓， 就又要凌晨出發去機場， 但學習到的當然是經驗，

所以今日突然想打返今次呢個大教訓俾各位谷友參考，希望下次唔好學我咁傻仔!!!

 

馬後炮：

1.冷靜d回想返， 因為分左2次買票， 所以有2個國內電話號碼， 但其實我只收到圖中的一個航班取消短訊， 但當我睇到時已很焦躁; 但其實應該5位乘客都會收到停飛通知加ma~~ 唉…失策

2.仲有， 改期仲賠錢俾你，，，邊有咁大隻青蛙呀..哈…但我分析個短訊，係俾d諗住取消行程就算ge人， 因為主因是要氹d人回覆個短訊!!!

3.留意圖上， 的發訊人號碼， 是香港852字頭， 我係傻仔呀， 點解依家先見到， 一間大陸公司點會用香港電話發短訊俾你呀， 死傻仔…唉….我太蠢，只能馬後炮， 所以真係好想提醒大家， 小心小心

4.事後得知，此短訊在國內所有航空公司已極其普遍，基本每間航空公司都會俾人入侵個電話系統(官方話，但坊間也有說是航空公司賣給不法分子，不可考証)所以要小心！唔好再好似我咁衝動了！我表姐幫我google個假的客服熱線，一查就知係詐騙了， 所以大家真係要冷靜再冷靜

 

後後後記(仲似拍戲)：

其實後黎仲有一件事, 好似拍戲咁加, 就係當我前一晚差d被騙後, 第二日成功上到飛機, 係飛行途中, 有一個著住便服的小姐走來(隨意挑的), 先生, 您好呀,我係首X航空的神祕調查員(個title唔記得清楚了,類似係咁啦~)我係隨機抽選一些乘客對本次航班的服務及機組人員作評價/問卷調查, 我果刻心諗…..係咪玩野呀, 又有神祕調查員, 我問佢, 你點樣証明你係, 佢就話咁岩今日佢無帶工作証我睇=.= (o晒嘴…死啦, 你係咪都係詐騙分子, 你想點呀..哈)…跟住

佢就話可以請d空服人員來証明佢的身份…然後經過空服人員確認佢身份後,佢就開始訪問我啦, 問我對我地航空公司的服務…評價或……… 嘩, 我黎料啦,真係拍戲都無咁q….點解會咁搞笑ge……中六合彩又唔見我中=.=…呢d調查就揀中我~@.@ 我就張尋晚發生的事, 全部同佢投訴, 最主要的point係表達,因為今次詐騙事件, 我所有個人資料和航班資料都可以落入不法分子手中, 我對你地航空公司的信心完經破晒產, 我極度懷疑係你地公司內部做的, 請你地好好撤查, 然後佢就好有耐心咁同我解釋,, 其實間間航空公司都會有咁ge情況發生, 不過佢會將此事轉告公司, 不過開心ge係, 佢揀中我訪問, 我能將這嚴重的問題反映出來, 也算是好!!!!! 但我知道….可能好多公司都會賣資料出去,

所以各位真係要小心!!!!!!!!!!...奇遇經歷完畢..真係永世難忙~

-完-